Setting: Sebuah kamar. Subuh.
(Masuk Iblis. Menarik Barol dengan tali jemuran yang terikat di leher Barol)
(Barol berjalan tertunduk)
(Dengan satu tarikan yang kuat, Iblis menghempaskan Barol ke tempat tidur)
Iblis: Heh, biongo!!!
Ngana ini cuma da ta putar-putar sama deng babi pa de pe kandang.
Co ngana lia ni ngana pe diri ni dia...
Ngana pe hidop...
Samua tu ngana ja baking, nyanda ada yang barguna.
Ngana pe hidop ni dia cuma da abis-abis di mengkhayal jo.
Ngana so beking pastiu pa kita!!!
Ngana pangge-pangge pa kita bermain tentang tu rahasia...kong, saban torang somo dapa depe klimaks...ngana user pa kita.
Salalu bagitu.
Salalu...salalu...memang jago ngana...boleh beking kalah pa kita...
Mar baru ngana le kwa tu da se kalah pa kita no.
Sapa ngana sebenarnya?
(jeda)
Ooo...Ngana Yesus.
Ngana so dapa le pa kita...
Ododododoh...so tai ini...
Pe bogo le kita...ta pi coba le pa Anak Domba Allah...
Pantasan kita gagal-gagal trus kalu pa ngana...memang so dinubuatkan...
Minta ampun jo dang...
Soe!!! Pe soe le...
Eh, tunggu!!!
Ngana bukang Yesus...
Tunggu...tunggu...tunggu...ngana bukang Dia!!!
Nyanda mungkin!!!
Mungkin ngana Santo Petrus...
Aaah iyo...ngana pe hati kan karas sama deng karang...
Hmm...nyanda le no...ngana bukang dia...
Sapa ngana e?!... Sapa ngana e?!... Sapa?!... Oooooooooooooooooo...ta tau...ngana ini titisan Kyupid...Hmmpprrrfffh...
Ato mungkin...Ares!!! Dewa Perang!!! Hahahahahaha...
Sori...cuma baku sedu katu'...
Paling ngana masih penasaran pa kita kang?!
Ngana mo suka tau sapa kita?
Dengar bae-bae.
Kita ini malaikat yang Tuhan da utus!!!
Ta pe nama Peryl.
Sebenarnya ngana orang yang dipilih Tuhan!!!
So ngana tu Yang Diutus!!!
Tuhan ada kase satu misi for ngana.
Ngana musti persatukan bangsa Perancis!!!
Itu ngana pe misi!!! Kong kita yang akan mo tuntun pa ngana.
Mmpppffffhahahahahahahaha...Joan of Ark...hahahahahahahahahaha...ngana Joan, Santa tu yang dari Perancis tu dia?!?!?!? Hahahahahahahahhahahahahahahaha...
Eh, biongo!!! Kalu ngana mo suka tau...ngana ada di pa kita pe kerajaan!!!
Hahahahahaha...so ini tu neraka...hahahahahahahaha...
Barol: Bapa kami dalam kerajaan surga dikuduskanlah kiranya namamu datanglah kerajaanmu...
Iblis: Hahahaha...biar mo berdoa le...so nya' barguna!!!
Barol: Bapa kami dalam kerajaan Allah...
Iblis: Ppppppprrrrfffffffffffhh...blunder...
Barol: Bapa kami yang ada di dalam kerajaan sorga dikuduskanlah kiranya namamu datanglah kerajaanmu jadikanlah...jadikanlah...eh...
Iblis: Hahaaaaahahahaha...Nda klar, ta cabu pa ngana!!!
Barol: Bapa kami dalam kerajaan sorga dikuduskanlah kiranya namamu datanglah kerajaanmu jadilah kehendakmu di bumi seperti di sorga...berikanlah kami pada hari ini makan kami yang secukupnya dan ampunilah kami...akan...segala kesalahan kami seperti kami juga telah mengampuni...
Iblis: Ah, memang biongo ngana!!!
Barol: (menangis) seperti kami juga telah mengampuni orang yang bersalah kepada kami dan jangan membawa kami ke dalam pencobaan tetapi lepaskanlah kami dari pada yang jahat sebab engkaulah...
Iblis: Sebenarnya ngana ini so mati.
Barol: Sebab engkaulah...sebab engkaulah...engkaulah...yang...(terdiam dan menangis)
Iblis: Sori...so dari tadi...mar memang so ngana pe waktu...
Barol: (Melepaskan ikatan tali yang ada di lehernya dan kembali mengambil sikap berdoa) Tuhan Yesus...Tuhan Yesus...Tuhan Yesus...Tuhan Yesus...Tuhan Yesus...
Iblis: Capat jo...kita so musti bawa pa ngana skarang.
Barol: Tuhan Yesus...Tuhan Yesus...Tuhan Yesus...Tuhan Yesus...Tuhan Yesus... Tuhan Yesus...Tuhan Yesus...Tuhan Yesus...Tuhan Yesus...Tuhan Yesus...
Iblis: Hahaaa...
Barol: Tuhan Yesus...Tuhan Yesus...Tuhan Yesus...Tuhan Yesus...Tuhan Yesus... Tuhan Yesus...Tuhan Yesus...Tuhan Yesus...Tuhan Yesus...Tuhan Yesus... Tuhan Yesus...Tuhan Yesus...Tuhan Yesus...Tuhan Yesus...Tuhan Yesus...
Suara Ibu: (bernyanyi) Betapa hatiku berterima kasih Yesus
Kau mengasihiku Kau memilikiku
Hanya ini Tuhan persembahanku
Segenap hidupku jiwa dan ragaku
Sbab tak ku miliki harta kekayaan yang cukup berarti tuk ku persembahkan.
(Iblis lari keluar melalui jendela)
Suara Ibu: (terus bernyanyi) Hanya ini Tuhan permohonanku
Terimalah Tuhan persembahanku
Pakailah hidup ku sebagai alatmu seumur hidupku.
(Terdengar suara pintu kamar diketuk)
Ibu: Barol, so boleh bangun jo. Mo pigi ngana nyanda?
Barol...
(Masuk Ibu. Begitu masuk langkahnya terhenti setelah melihat Barol yang adalah anaknya sedang berdoa. Ibu keluar perlahan dan menutup pintu)
Barol: Tuhan Yesus...Tuhan Yesus...Tuhan Yesus...Tuhan Yesus...Tuhan Yesus...
Selesai Babak I
Babak Bonus
Setting: Sebuah kamar. Pagi.
(Barol tertidur di atas tempat tidur)
Suara Iblis: Tunggu ngana!
Suara Barol: Tuhan Yesus. Hahahaaa...
Suara Iblis: Ooo...ba gara pa kita le ngana e...Kiapa, ngana pe kira so apa so tu...
Suara Barol: Tuhan Yesus.
Suara Iblis: Hmm...
Suara Barol: Tuhan Yesus. So kalah ngana blis.
Suara Iblis: Apa? Kalah?
Suara Barol: Tuhan Yesus.
Selesai Babak Bonus
